Jacqueline Carey

Jacqueline Carey (Highland Park (Illinois), 9 oktober 1964), is in Amerikaansk skriuwster en publisiste, dy't har benammen taleit op it skriuwen fan fantasyliteratuer. Hja is ferneamd wurden mei har Kushiel's Legacy-rige, wêrfan't fral de earste trilogy, begjinnende mei de roman Kushiel's Dart, in grut súkses wie. Dêrnjonken hat hja ek in non-fiksjewurk oer ingels yn 'e keunst en literatuer skreaun. Carey wennet tsjintwurdich yn westlik Michigan.